كل ما اتعلمت أسرع حققت أهدافك أسرع… طب إزاي تتعلم بسرعة؟
هو ده الهدف من دورة (مهارة التعلم السريع) المُعتمدة، لإنها بتساعدك على تطوير طرق المذاكرة وبتزودك بأحدث استراتيجيات التعلم اللي من خلالها تقدر تكتسب أكبر قدر ممكن من المعلومات الجديدة، والأهم من ده إنك تعرف إزاي تستفيد من المعلومات دي في حياتك العملية، سواء كنت بتتعلم من دراسة أكاديمية، حضور كورسات أو حتى عبر قراءة كتب.
هتتعلم إيه في الدورة دي؟!
- دماغك بتشتغل إزاي؟ وإزاي تستخدمه عشان تحقق عملية التعلم الصحيح؟
- أنماط التعلم المختلفة وإزاي تختار النمط المناسب ليك منها.
- أساليب تطوير الذاكرة وإزاي تتغلب على مشكلة نسيان المعلومات الجديدة.
- طرق القراءة وإزاي تقرأ أسرع في وقت أقل مع استيعاب اللي بتقراه بشكل إيجابي.
- أهمية كتابة الملاحظات وإزاي تكتبها صح وبالشكل اللي بيتناسب مع طبيعة شخصيتك ونمط تعلمك.
الدورة مناسبة لمين؟
- طلاب الثانوية العامة، طلاب الجامعة، حديثي التخرج، الموظفين، المديرين أو رواد الأعمال اللي نفسهم يطوروا قدرتهم على التعلم لتحقيق أهداف النجاح بشكل أسهل وأسرع.
نبذة عن المحاضر:
المهندس عمرو العزب
عمرو العزب مهندس اتصالات، روائي وكاتب مهتم وشغوف بأساليب التعلم وتطوير الذات.
بعد التحاقه بعمله الحالي في هندسة الاتصالات، حصل (عمرو) على شهادات متقدمة في مجالات الاتصالات وشبكات الحاسب الآلي (CCIE) إلا أنه قرر تحويل شغفه إلى حقيقة، فكتب أول رواية له (نسرين) والتي تم نشرها في معرض الكتاب 2018، كما التحق بمسابقة للقصص القصيرة لدار نشر (قاف) وتم اختيار قصته القصيرة (الأم العجيبة) ليتم نشرها في مجموعة قصصية (قيود وهمية) في نفس المعرض.
منذ إن كان طالبًا، كان (عمرو) شديد العناية بتطوير أساليب خاصة للتعلم، ودعمها خلال السنوات الخمس الماضية بالحصول على العديد من الدورات والدبلومات المُعتمدة في نفس المجال، إلى أن قرر مشاركة تجربته عبر كتاب “اتعلم تتعلم” الذي تم نشره سنة 2018 (وُزعت أكثر من 3 ألاف نسخة منه حتى الآن)، كما يعتبر واحدًا من بين أهم المتخصصين في تقديم استشارات التعلم التي ساعدت الكثيرين على تطوير طرق المذاكرة والتعلم.